"قرآن کی چار بنیادی اصطلاحیں" سید ابو الاعلی مودودیؒ کی ان کتابوں میں سے ایک ہے جس کو بجا طور پر اُن کی فکر کی بنیاد کہا جا سکتا ہے۔ اسی سے " اقامتِ دین" اور "اسلام مکمل ضابطۂ حیات" جیسے اہم دینی تصورات کا شجر پھوٹتا ہے۔ سید مودودیؒ کے مطابق: "الٰہؔ، رَبّؔ، دینؔ اور عبادتؔ، یہ چار لفظ قرآن کی اصطلاحی زبان میں بنیادی اہمیت رکھتے ہیں ۔۔۔۔۔ قرآن کی تعلیم کو سمجھنے کے لیے ان چاروں اصطلاحوں کا صحیح اور مکمل مفہوم سمجھنا بالکل ناگزیر ہے۔ اگر کوئی شخص نہ جانتا ہو کہ الٰہ اور ربّ کا مطلب کیا ہے؟ عبادت کی کیا تعریف ہے؟ اور دین کسے کہتے ہیں؟ تو دراصل اس کے لیے پورا قرآن بے معنی ہو جائے گا۔"