'Abasa 80:37
Verse 37 of 42
لِكُلِّ امْرِئٍ مِّنْهُمْ یَوْمَىِٕذٍ شَاْنٌ یُّغْنِیْهِ ۟ؕ
ترجمہ
ان میں سے ہر شخص پر اس دن ایسا وقت آپڑے گا کہ اسے اپنے سوا کسی کا ہوش نہ ہوگا۔
English translation
on that Day each will be occupied with his own business, making him oblivious of all save himself.
تفہیم القرآن — حواشی
- 23
احادیث میں مختلف طریقوں اور سندوں سے یہ روایت آئی ہے کہ رسول اللہ صلی اللہ علیہ وسلم نے فرمایا”قیامت کے روز سب لوگ ننگے بُچّے اٹھیں گے“۔ آپ کی ازواجِ مطہرات میں سے کسی نے (بروایتِ بعض حضرت عائشہؓ نے ، اور بروایتِ بعض حضرت سَودہؓ نے اور بروایتِ بعض ایک خاتون نے) گھبرا کر پوچھا، یا رسول اللہ کیا ہمارے سَتر اُس روز سب کے سامنے کُھلے ہوں گے؟ حضورؑ نے یہی آیت تلاوت فرما کر بتایا کہ اُس روز کسی کو کسی کی طرف دیکھنے کا ہوش نہ ہوگا(نَسائی،ترمذی،ابن ابی حاتم، ابن جریر، طبرانی،ابن مردُویہ، بَیْقَہی،حاکم)۔