Ad-Dukhan 44:22

Verse 22 of 59

فَدَعَا رَبَّهٗۤ اَنَّ هٰۤؤُلَآءِ قَوْمٌ مُّجْرِمُوْنَ ۟

ترجمہ

آخر کار اس نے اپنے رب کو پکارا کہ یہ لوگ مجرم ہیں۔

English translation

Then he called upon his Lord: “These are a criminal people.”

تفہیم القرآن — حواشی

20
یہ حضرت موسیٰ کی آخری رپورٹ ہے جو انہوں نے اپنے رب کے سامنے پیش کی۔ "یہ لوگ مجرم ہیں" یعنی ان کا مجرم ہونا اب قطعی طور پر ثابت ہو چکا ہے۔ کوئی گنجائش ان کے ساتھ رعایت برتنے اور ان کو اصلاح حال کا مزید موقع دینے کی باقی نہیں رہی ہے۔ اب وقت آگیا ہے کہ حضور آخری فیصلہ فرمائیں۔

خلاصہ

آیت میں حضرت موسیٰ علیہ السلام نے اللہ تعالیٰ سے دعا کرتے ہوئے فرمایا کہ یہ لوگ مجرم ہیں۔ یہ ان کی جانب سے اپنے رب کے سامنے پیش کردہ آخری رپورٹ ہے، جس میں انہوں نے واضح کر دیا کہ قوم کا مجرم ہونا اب قطعی طور پر ثابت ہو چکا ہے۔ اب ان کے لیے کوئی گنجائش باقی نہیں رہی کہ ان کے ساتھ رعایت برتی جائے یا انہیں اصلاح حال کا مزید موقع دیا جائے۔ بلکہ اب وقت آ گیا ہے کہ اللہ تعالیٰ آخری فیصلہ فرمائیں۔